سرچ انجن کی نوعیت:

تلاش کی نوعیت:

تلاش کی جگہ:

(261) بنک کی نوکری حرام ہے

  • 14464
  • تاریخ اشاعت : 2024-03-29
  • مشاہدات : 1219

سوال

السلام عليكم ورحمة الله وبركاته

بنک کی نوکری کا شریعت میں کیا حکم ہے ؟ ( ع،م جامعہ عائشہ للبنات غازی آباد لاہور) 


الجواب بعون الوهاب بشرط صحة السؤال

وعلیکم السلام ورحمة اللہ وبرکاته!

الحمد لله، والصلاة والسلام علىٰ رسول الله، أما بعد!

 بنک کی ملازمت قطعاًجائز نہیں ۔ احادیث کی کتابوں میں صاف طور پر بنک کی ملازمت حرام اور ناجائز قرار دی گئی ہے ، جامع ترمذی میں کتاب البیوع باب الربا میں حدیث ہے رسول اللہ ﷺ نے فرمایا:

لعن  الله اكل الربا  وموكله وشاهديه و كاتبيه .(1) ( تحفة الاحوذى شرح ترمذى ج2ص 226)

كہ اللہ تعالیٰ نے سود کھانے والے ، کھلانے والے ، سود کے معاملہ میں گواہ بننے والے اور سود کا معاملہ لکھنے والے ، یعنی کلرک ، منیجر ، خازن وغیرہ سب پر لعنت کی ہے ۔ لہٰذا اس حدیث سے ثابت ہوا کہ ہر قسم کے موجوداہ بنکوں میں ہر طرح کی نوکری کرنا حرام ، سخت گناہ اور لعنتی عمل ہے ۔ 

ھذا ما عندي واللہ أعلم بالصواب

فتاویٰ محمدیہ

ج1ص667

محدث فتویٰ

ماخذ:مستند کتب فتاویٰ