فتاویٰ جات: متفرقات
فتویٰ نمبر : 12566
(477) بچوں کے نام رکھتے وقت عبد کے ساتھ اللہ کا نام لگانا
شروع از عبد الوحید ساجد بتاریخ : 19 June 2014 12:04 PM
السلام عليكم ورحمة الله وبركاته

ہمارے ہاں عام طورپر بچوں کا نام رکھتے وقت اللہ تعالیٰ کےنام سے پہلے عبد یا محمد کا لفظ لگالیتے ہیں، جیسے عبدالوارث اورمحمد وارث وغیرہ ، شہنشاہ فارسی زبان کا لفظ ہے جس کا معنی بادشاہوں کا بادشاہ ہے۔اب دریافت طلب امر یہ ہے کہ اگر بچے کا نام محمد شہنشاہ رکھ لیا جائے تو درست ہے یا نہیں؟کتاب و سنت کی روشنی میں جواب دیں۔


الجواب بعون الوهاب بشرط صحة السؤال

وعلیکم السلام ورحمة اللہ وبرکاته!
الحمد لله، والصلاة والسلام علىٰ رسول الله، أما بعد!

واضح رہے کہ نام کا شخصیت کے ساتھ گہرا تعلق ہوتا ہے۔ یہی وجہ ہے کہ رسول اللہ ﷺ نے بعض ناپسندیدہ ناموں کو تبدیل فرمایا،چنانچہ حضرت زنیب ؓ کےمتعلق حدیث  میں ہے کہ ان کا نام ’’برہ ‘‘تھا جسے آپ نے تبدیل کرکے زینب رکھا کیونکہ اس میں خود نمائی اور تقدس کا اظہار ہوتا ہے۔ (صحیح بخاری ،الادب:۶۱۹۲)

جن لوگوں نے رسول اللہﷺ کے کہنے پر نام تبدیل نہ کیا عمر بھر کف افسوس ملتے رہے۔ (صحیح بخاری،۶۱۹۳)

رسول اللہ ﷺ کا ارشاد گرامی ہے کہ ’’اللہ کے ہاں پسندیدہ نام عبداللہ اور عبدالرحمن ہیں کیونکہ ان میں اللہ کے لئے بندہ کی طرف سے عاجزی ،درماندگی اورعبودیت کا اظہار ہے، نیز حضرات انبیاءکرام علیہ السلام کے نام بھی اللہ تعالیٰ کو بہت پسند ہیں، خود آپ نے اپنے بیٹے کا نام ابراہیم رکھا۔امام بخاری ؒ نے اپنی صحیح میں دو الگ الگ عنوان قائم کئے ہیں۔ (کتاب الادب،باب نمبر۱۰۵۔۱۰۹)

ان احادیث کے پیش نظر والدین کو چاہیے کہ وہ اپنے بچوں کا نام ایسا رکھیں جس میں عبودیت اور بندگی کا اظہار ہو یا حضرات انبیاءعلیہ السلام کے نام پر ان کے نام رکھے جائیں یا معنوی لحاظ سے خوبصورت ہوں۔

واضح رہے کہ اللہ تعالیٰ کے بعض نام ایسے ہیں جو ذات باری تعالیٰ کے لئے خاص ہیں، مثلاً:الصمد اور الرحمٰن وغیرہ ان سے پہلےمحمد یا احمد لگانا صحیح نہیں ہے، البتہ ایسے صفاتی نام جو بندے کےلئے ہیں اور ان سے پہلے محمد یا بعد میں احمد بطور تبرک ہوگا، اگرچہ معنوی اعتبار سے ایسا کرنا صحیح نہیں ہے۔

صورت مسئولہ میں محمد شہنشاہ نام درست نہیں ہے کیونکہ حدیث میں ہےکہ اللہ تعالیٰ کے ہاں بد ترین انسان وہ ہے جو اپنا نام ’’ملک الاملاک‘‘رکھتا ہے۔ (صحیح بخاری ،الادب:۶۲۰۵)

حدیث کی راوی حضرت سفیان نے کہا ہے کہ ’’ملک الاملاک‘‘ یہ خاص اللہ کی صفت ہے،بندہ اس سے پہلے غلام یا عبدلگائے تو صحیح ہوسکتا ہے،اس لئے محمد شہنشاہ نام درست نہیں ہے اگر کسی نے یہ نام رکھا ہے تو اسے تبدیل کرکے اس کی جگہ کوئی اور بہترین نام رکھ لینا چاہیے۔ (واللہ اعلم )

ھذا ما عندی واللہ اعلم بالصواب

فتاویٰ اصحاب الحدیث

ج2ص460

محدث فتویٰ

واضح رہے کہ نام کا شخصیت کے ساتھ گہرا تعلق ہوتا ہے۔ یہی وجہ ہے کہ رسول اللہ ﷺ نے بعض ناپسندیدہ ناموں کو تبدیل فرمایا،چنانچہ حضرت زنیب ؓ کےمتعلق حدیث  میں ہے کہ ان کا نام ’’برہ ‘‘تھا جسے آپ نے تبدیل کرکے زینب رکھا کیونکہ اس میں خود نمائی اور تقدس کا اظہار ہوتا ہے۔ (صحیح بخاری ،الادب:۶۱۹۲)

جن لوگوں نے رسول اللہﷺ کے کہنے پر نام تبدیل نہ کیا عمر بھر کف افسوس ملتے رہے۔ (صحیح بخاری،۶۱۹۳)

رسول اللہ ﷺ کا ارشاد گرامی ہے کہ ’’اللہ کے ہاں پسندیدہ نام عبداللہ اور عبدالرحمن ہیں کیونکہ ان میں اللہ کے لئے بندہ کی طرف سے عاجزی ،درماندگی اورعبودیت کا اظہار ہے، نیز حضرات انبیاءکرام علیہ السلام کے نام بھی اللہ تعالیٰ کو بہت پسند ہیں، خود آپ نے اپنے بیٹے کا نام ابراہیم رکھا۔امام بخاری ؒ نے اپنی صحیح میں دو الگ الگ عنوان قائم کئے ہیں۔ (کتاب الادب،باب نمبر۱۰۵۔۱۰۹)

ان احادیث کے پیش نظر والدین کو چاہیے کہ وہ اپنے بچوں کا نام ایسا رکھیں جس میں عبودیت اور بندگی کا اظہار ہو یا حضرات انبیاءعلیہ السلام کے نام پر ان کے نام رکھے جائیں یا معنوی لحاظ سے خوبصورت ہوں۔

واضح رہے کہ اللہ تعالیٰ کے بعض نام ایسے ہیں جو ذات باری تعالیٰ کے لئے خاص ہیں، مثلاً:الصمد اور الرحمٰن وغیرہ ان سے پہلےمحمد یا احمد لگانا صحیح نہیں ہے، البتہ ایسے صفاتی نام جو بندے کےلئے ہیں اور ان سے پہلے محمد یا بعد میں احمد بطور تبرک ہوگا، اگرچہ معنوی اعتبار سے ایسا کرنا صحیح نہیں ہے۔

صورت مسئولہ میں محمد شہنشاہ نام درست نہیں ہے کیونکہ حدیث میں ہےکہ اللہ تعالیٰ کے ہاں بد ترین انسان وہ ہے جو اپنا نام ’’ملک الاملاک‘‘رکھتا ہے۔ (صحیح بخاری ،الادب:۶۲۰۵)

حدیث کی راوی حضرت سفیان نے کہا ہے کہ ’’ملک الاملاک‘‘ یہ خاص اللہ کی صفت ہے،بندہ اس سے پہلے غلام یا عبدلگائے تو صحیح ہوسکتا ہے،اس لئے محمد شہنشاہ نام درست نہیں ہے اگر کسی نے یہ نام رکھا ہے تو اسے تبدیل کرکے اس کی جگہ کوئی اور بہترین نام رکھ لینا چاہیے۔ (واللہ اعلم )

تبصرہ (0)
[Notice]: Undefined index: irsloading (cache/c62f257fe6ed43eb557019d638a0d780.php:75)