فتویٰ نمبر : 11905
(39) ترتیب نزولی
شروع از عبد الوحید ساجد بتاریخ : 20 May 2014 03:01 PM
السلام عليكم ورحمة الله وبركاته

قرآن کریم  کی سورتوں اورآیات کی ترتیب کیسے مکمل ہوئی؟ نیز قرآن مجید کی سب سےآخر میں نازل ہونے والی آیت کون سی ہے؟


الجواب بعون الوهاب بشرط صحة السؤال

وعلیکم السلام ورحمة اللہ وبرکاته!
الحمد لله، والصلاة والسلام علىٰ رسول الله، أما بعد!

قرآن کریم کی  آیات کی ترتیب توفیقی ہے یعنی رسول اللہ ﷺ  خود ہی یہ فرمایاکرتےتھے کہ اس آیت کو فلاں  سورت میں شامل کردو۔ سورتوں میں سےبعض کی ترتیب توفیقی ہے اور بعض کی اجتہادی ہے یعنی جن سورتوں کی ترتیب  رسول اللہ ﷺ سےثابت ہے وہ توفیقی ہے مثلا سورۂ بقرہ اور آل عمرآن کہ نبی ﷺ ہمیشہ انہیں ملاکر  پڑھا کرتے تھے کیونکہ ان کی فضیلت بہت زیادہ ہے۔ اس طرح آپ سورۃ الاعلی اور الغاشیہ کو اور الجمعہ  اور المنافقوں کو  بھی ملاکر ہمیشہ ملاکر پڑھا کرتے تھے یعنی جن سورتوں کی ترتیب نبی ﷺ سےثابت ہے وہ توفیقی ہے او ر جن کی ترتیب نبی ﷺ سےثابت نہیں ہےان   کی ترتیب میں صحابہ کرام ﷜ نے اجتہاد سے کام لیا ہے مگر ہمیں اس بات کا حق حاصل نہیں ہے کہ ہم  صحابہ کرام ﷢ کے متفقہ اجتہاد سے اعراض کریں بلکہ ہمیں قرآن کریم کی موجود ترتیب ہی پابندی  کرنی چاہیے۔

رہی یہ بات کہ قرآن کریم کی سب سے آخر میں کون سی آیت نازل ہوئی؟ تو اس کے بارےمیں اختلاف ہے ۔ بعض نےکہاہےکہ سب سےآخر میں نازل ہونےوالی آیت یہ ہے:

﴿ اليَومَ أَكمَلتُ لَكُم دينَكُم وَأَتمَمتُ عَلَيكُم نِعمَتى وَرَ‌ضيتُ لَكُمُ الإِسلـٰمَ دينًا ۚ...﴿٣﴾... سورةالمائدة
ھذا ما عندی واللہ اعلم بالصواب

فتاویٰ اسلامیہ

ج4ص43

محدث فتویٰ


تبصرہ (0)
[Notice]: Undefined index: irsloading (cache/c62f257fe6ed43eb557019d638a0d780.php:75)