سرچ انجن کی نوعیت:

تلاش کی نوعیت:

تلاش کی جگہ:

(264) اللہ کے سامنے توبہ کرو

  • 10622
  • تاریخ اشاعت : 2024-03-29
  • مشاہدات : 916

سوال

السلام عليكم ورحمة الله وبركاته

ایک مرتبہ میں اپنی والدہ سے ناراض ہوا اور میں نے اپنے بڑے بھائی کے سامنے یہ الفاظ کہہ دیےاللہ کی قسم  اگر یہ میری ماں نہیں ہوتی  تو میں اسے آگ سے جلادیتا ۔کیا اس بات کی وجہ سے مجھے گناہ ہوگا' مجھے اس بات کی وجہ سے  بہت ندامت ہے؟


الجواب بعون الوهاب بشرط صحة السؤال

وعلیکم السلام ورحمة اللہ وبرکاته!

الحمد لله، والصلاة والسلام علىٰ رسول الله، أما بعد!

بے شک یہ ایک بد ترین بات ہے جو گناہ کبیرہ کا باعث ہے' کیونکہ اس میں ایک ایسے  بڑے کام کی قسم ہے' جو کفار کے حوالہ سے بھی جائز  نہیں ہے۔ یعنی  آگ سے جلانا'پھر اس میں والدہ  کی نافرمانی بھی ہے۔حالانکہ ان کا   حق بہت زیادہ ہے۔آپ پر  واجب یہ تھا کہ ان کی بات پر تحمل کا اظہار کرتے'ان کی ناراضی کے مقابلہ میں رضامندی  ونرمی  اور نرم  وشائستہ  الفاظ  استعمال  کرتے 'لہذا اب آپ پر واجب یہ ہے کہ اللہ تعالیٰ کے آگے توبہ کریں'آپ  سے جو کچھ  ہوا اس پر ندامت  کا اظہار کریں اور  والدہ سے معافی طلب کریں'اللہ تعالیٰ اپنے بندوں کی توبہ  قبول کرکے ان کے گناہوں کو معاف  فرمادیتا ہے۔

ھذا ما عندي واللہ أعلم بالصواب

فتاویٰ اسلامیہ

ج4ص208

محدث فتویٰ

ماخذ:مستند کتب فتاویٰ